خان پور :چہلم کے جلوس ميں دھماکا،17افراد جاں بحق

January 15th, 2012 | Add a Comment

رحيم يار خان …رحيم يار خان کي تحصيل خان پور ميں چہلم حضرت امام حسين رضي اللہ تعالي عنہ کے جلوس ميں دھماکے سے 17 افرادجاں بحق اور 30 سے زائد زخمي ہوگئے، واقعے کے بعد مشتعل افراد نے سٹي تھانے کا گھيراو? کيا جس پر پوليس نے انہيں منتشر کرنے کے لئے آنسو گيس کي شيلنگ بھي کي.رحيم يار خان کي تحصيل خان پور کي امام بارگاہ دربارِ حسين ميں مجلس کے بعد جلوس نکلا گيا تو کچھ ہي دير بعد زوردار دھماکاہوگيا،ہرطرف افراتفري مچ گئي اور دھواں پھيل گيا.ريجنل پوليس آفيسر بہاول پور عابد قادر ي کا دعوي? ہے کہ دھماکا جلوس کا علم ہائي ٹينشن وائر سے ٹکرانے کے بعد ٹرانسفارمر پھٹنے سے ہوا.ڈسٹرکٹ پوليس آفيسر سہيل ظفر خان کا کہنا ہے کہ تحقيقات جاري ہيں اور بم دھماکے کو خارج از مکان نہيں کہا جاسکتا.خان پور کے ايس ڈي او ميپکو مدثر حسين نے ٹرانسفارمر پھٹنے کي اطلاع کو مسترد کرتے ہوئے کہا کہ جلوس ميں علم اتنے بڑے نہيں تھے کہ تاروں سے ٹکراجاتے. واقعے ميں جاں بحق افراد کي لاشيں تحصيل ہيڈ کوارٹراسپتال خان پور پہنچائي گئيں. اسپتال کے ايم ايس کا کہنا ہے کہ لاشوں اور زخميوں کے جسموں پر چھروں کے نشانات ہيں. دھماکے کے بعد عزا دار اسپتال کے باہر جمع ہوگئے اور سينہ کوبي کي. مشتعل مظاہرين نے سٹي تھانے کا بھي گھيراو? کرليا سخت احتجاج کيا. پوليس نے آنسو گيس کي شيلنگ کي جس کے بعد مظاہرين منتشر ہوگئے.